نقلاً عن مدونة الصديق العزيز زياااااااااااااادوووووف
يوليو 1, 2009 — ziadoof
العتابا : عبارة عن بيتين من الشعر باللهجة العامية ” الكلام المحكي”
ينتشر كثيرا في بلاد الشام وخاصة في سوريا ولبنان
لا يهوى صخب المدينة لذلك تراه يعيش في الجبال والسواحل وحقول الفلاحين
…………..
بالنسبة للاشطر الثلاثة الاولى دائما تنتهي بكلمة واحدة
تحمل نفس التركيب ولكن في كل مرة يكون معناها مختلفا
وينتهي الشطر الاخير عادة بكلمة تنتهي بحرفي الالف والباء
وقد ذهب الكثيرين الى الانهاء بأحرف اخرى من مثل واو والف او نون والف
او أي احرف كانت و هذا لا يعيب البيت اذ أن قوة العتابا تعتمد على الكلمة
المكررة وبالطبع هذا لا يعني صف الكلام عشوائيا عند الحصول
على كلمة يمكن فهمها بعدة طرق
مثال
يادرب الهوا من غيري مشـــــافيك…………….. مشافيك اي “قام بالمشي في هذا الدرب”
جرحتني وعجزو جروحي مشافيك…………….. مشافيك أي “المستشفيات المختصة بالهوى”
بحسد يا بنية كل شــب ماشافيك………………ما شافك أي “لم يراكِ”
لأنو بسهم عينك ما انضــــــــــــرب ………………انضرب “لفظا : انضراب”
ويعتمد العتابا ايضا على طريقة لفظ الكلمة اكثر من طريقة كتابتها
*
**
***
****
*****
******
*****
****
***
**
*
يادرب الهوا من غيري مشافيك
جرحتني وعجزو جروحي مشافيك
بحسد يا بنية كل شب ماشافيك
لأنو بسهم عينك ما انضرب
*****
******
شو جنسك شو ياحلوة ت أنت
مافي أسلوب كذب الا تائنتيه
لازملك هيك شي اصبع TNT
يزبط كلما تحوي سوا
*****
******
مر طيفك بدربي مر تدلى
ولو سألتك عني شي يوم مرتي دللا
شفايف الصبية قطعة مرتديلا
ولفيلنا سدويشة عالحساب
*****
******
صرلي عمر بغفا ما معشاي
واذا تعشيت عجبنة مع الشاي
مشحر فقير داير ما معي شي
نازل بغب والناس بهنا
*****
******
دبكنا بكبيس طيب ولفتات
قرقد الخبز عالطاولة والفتات
والحرمة هيك ترمقنا بلفتات
قصدها عشو العزيمة والعذاب
*****
******
علينا بعد ما زعلتوا و رقتوا
و القلب عبر عن شعورو و رقتو
واللي بيعرف مش رح بتربح ورقتو
ما يستنظر مصاري بالجيااااااااااب
*****
******
طول الهجر يا ليلى تلفني
و دار الهجر من حولي تا لفني
و ابقي كل ما بتفضي تلفني
وصلنا الخط تانحاكي الحباب
*****
******
معقولة ضل يا عالم أيجابي
وضربو صاروخ ايه والله ايجا..بي
سألنا كتير لكن لا ..إجابة
غير الصاروخ مافي ولا جواب
*****
******
لتغلغلو النسمات بي شعرك و مالو
قلبي ينطر عا عتبة درب لو رمشك ومالو
ترخص إلك كنوز الكون و جوهرو و مالو
هدية صغيرة بدفعا بحبك أنا
*****
******
ريتا تسلملي بندقتها
ولوإنا حبة بن دقتها
قولولا مو عليِّ بندقتها
عمرو ما تبندق عالمنشار الخشاب
*****
******
أنا لا خال بالدنيا و لا عم لي
و لا عندي قصور تغنيني و لا عمله
أنا شاعر مالي شغلي و لا عملي
سوى رندح عتابا للحباب
*****
******
حبيبي يلي ملك جيدي و قلبي
قلبني شي ألف قلبه و قلبه
عطيتو للكوي تيابي و قلبي
كوى قلبي بدل كوي التياب
*****
******
طرقت الباب قالت ولي مين
وخافت تشبك اليسرى واليمين
قلت فتحي قالت واليمين
يلي حلفتو ما بقى افتح بواب
*****
******
كنت شتلة صرت نبتة صرت عود
كنت رايح صرت أرجع صرت عود
كنت ناي صرت طبلة صرت عود
الصباية استخدموني للطرب
*****
******
أهلك ليش عني بدلوكي
طعموكي الخبزة يلي ما بدهالوكي
وطلبت مني سيكارة عطيتها لوكي
وحمرا والشام دخان الشباب
*****
******
نكبني الدهر بمصيبة مشلشة
وانا ان حبيتك ما حبيتك مشان شي
وجابو الطبيب تيشلي ماشالي شي
زدلي هموم عقلبي وعذاب
*****
******
بموسكو كتار أبطال الألمبيك
ودغري نسحبت ال دب الألم بيك
قرب لهون وامضيلي بالم بيك
انك جبان جرصت البلاد
*****
******
خوابي القهر يا حظّي بلاها
لأنّي مشرّد بفسحة بلاها
ع طيش القلب وسواس وبلاهه
زادت وانجلى همّ الغراب
*****
******
ياهل ترى ابنك ياترى تور
لأنو الناس بتشوفو طرطور
لكتابك صحن على كبة طراطور
والغبرة عافطة ومافي نوى
*****
******
بين البنات هو اللي نقاها
عظرفها ولطفها ونقاها
من وقت هالفترة ” نقاهة “
ما مأثر برجلو حكي الشباب
*****
******
“فلان” الشعر عا صفحة عتابا
الاعادي زدت من وهجك عتابا
وبيوت المجد ي معلّي عتابا
بحروفك فوق كومات السحاب
*****
******
يا “فلان” لعندي اليوم معزوم
لخلي النمـــــر يتعشاك مع زوم
وأنا لصــــوّرك بفلاش مع زوم
ولأنشر صورتك بنوادي الجرب
*****
******
جبتلها كيلو رز تعملهون عشى عبطا
ولما جيتا للبيت شفتا حاطة بطا عبطا
و لكتر الشوق لمن شفتا بلهفي عبطا
عانقت الجارة ……..مخربط بالبواب
*****
******
أنا بالبيت إلك كل موني
عصري قلبي بأيدك كلموني
إذا عيونك بالأشارة كلموني
عيوني بلا حكي ردو الجواب
*****
******
العربي يقول وين الحجرو الغربي وين ” ستون”
شفايف الحلوة عسل ويا محلا ونستون
انا والله لأتصبب عليها بسيكارة ونستون
ويادنيا من بعد هالسيكارة صيري خرااب
*****
******
حبيبي اللي من ضلوعي مال عينو
افتقرتو وما بيدي مال عينو
وان كنو ع ولف غيري مال عينو
لطفي ببو عينو بالتراب
*****
******
يا حلوة اللي بالدهب قصبوكي
و نزلوا ختيار امك على قص ابوكي
لولا حكيتي مع شب قصبوكي
و خلوا لحمك تنهشوا الكلاب
*****
******
اشتروكي بالدهب و انتي قبلتـي
ونا اللي كنت معتبرك قبلتــــــي
نسيتي وعلى شفافك بعدا قبلتي
اساليها بتعرفي منها الجـــواب
*****
******
غيرك ياحلوة مابئا عندي هدف
وقلبي بحب وشوق لم شافك هدف
وبملعب غرامك كل ما بسجل هدف
بعيونك حكم بتقول متسلل انا
*****
******
عمري بالهوا عْليكِ ما جاني
ونحل حبّي غَيْر شهدِك ما جاني
غير الشّقا والفرقة ما جاني
وضنا وتعتير وشويّة عذاب
*****
******
البدر في طلّتو لمّا ملت تم
.وعطيتك بوستي لروحك ما للتم
تأعمل فارس وانزل ملتّم
على حصاني وشيلك بالهداب
*****
******
درب الحب من أجلك عبدنا
و شخصك من بعد الله عبدنا
لما قربت بدني عا بدنا
جسمي اتشرقط وقلبي اتكهراب
*****
******
عندن باسمي سبع ملفات
وصرلي عمر ايه والله ما فيت
غير الفقيرعبيتي ما لفّيت
ولشو اذا بحقي كل هالارهاب
*****
******
با حلوة ليش بالغربة طولتي
كنتي قصيرة وهلأ يابيي طولتي
انا والله عشرفها لفرش طاولتي
عرق ونبيد والمازة عنااااااااااب
*****
******
عزهر خدك هدت فراشـــــــــــة
ورمش عيني لشعراتك فراشـــــــــــي
وإذا نمتي ما دفيتي فراشــــــــــي
النوم عالشوك أحلى وعالتـــــــــــراب
*****
******
كنـت قومـــي لما برمشك وميتي
كنتي كاسي و خمري و ميتي
صرتي خرسة و طرشة و ميتي
ما بتردّي عمجنونك جـــواب
*****
******
طيري وافرحي بحبّي و جـِنـِّي
ما يعرف فرحْتِـكْ إنسي و جـِنـّي
ما بَدّي بالآخرة فردوس و جـنـّة
بـِدونِك الجنة نار و عـــــذاب
*****
******
زوريني ببـــــــــيتي بستقبلك
انطريني بس لحظة بس تقبلك
بزماني ألف وحدة بست قبلك
و لا وحدة مْعَزبتني هالعذاب
*****
******
كفاني حب مرك حلو وعديت
وعدنيا ما دخلها النور يابا عديت
وقبل ما خاصمك للألف عديت
وكل ما عد خربط بالحساب
*****
******
وجهك ياحلو كل الحلى له
وقلبي غير حبك ما حلالو
حبيبي لو طلب روحي حلالو
ما بعمري يوم رديتلو طلاب
*****
******
لا تغضبو يا اهل المحبة كيفو
وكيف ما ردتو هواكم كيفو
وضلو الحبايب لاحقوهن كيفو
نحنا وعدنا وما خلفنا بوعدنا
*****
******
ارحموني عام صدو عام لينو
مرمى سهام قلبي عاملينو
بقلبي بحور شوقي عاملينو
يا شط البحر شو مفرق حباب
*****
******
والله لو اترك اهلي ومالي ..
والكل يسالني شو مالي ..
لقول بالعالي هالحلو ومالي..
وبحبوهالبيت صار خراب ..
*****
******
بنت زغيرة عم تبكي ع ماما
تبكي ويسمعو صوتها عماما
ابوها شيخ ولا بس عماما
ومن صوتها ايه والله القلب انصاااب
*****
******
شاف الورد شِعر بايدك بريقو
وصار النحل منو يتحلى بريقو
دمي لاجلك بيرخص و بريقو
لجلك انت يا شيخ الشباب
*****
******
وقت شفيتي من فنـــجان شَفْتِك
مغرومي وملوعا كـــتير شِفْتك
و الحكي يلي خايفي تقولو شِفْتك
عا حرف الفنــــجان بالحمرا انكتب
*****
******
لو قلت الحرف حلّق هالدنيي مجالو
وناس كتير بهالحكي خافو ما جالو
غيرك لو جرب عيري توبك ما اجا لو
طلع مبهبط و كبرو عليه التياب
*****
******
متل حسون تا اصحى تكتكيلي
وبخطة هجوم عا دارك تكتكيلـي
زيدي وصبي بهالكاس تكة تكيلي
بدونك بالسهر ما بيحلى الشراب
*****
******
يا باليقظ عم شوفهن يابالبال
هواكي دمع لهدومي بلبل
دخيلك مر من صوبهن يا بلبل
سمعني تغريد الحباب
*****
******
عا بعدي ولف عصب ولف راق
و يلي ما أصعب الهجرة والفراق
إذا بتلبس ألف بدلة وألـــف راق
ما بيحموك من سهم الهـــداب
*****
******
دروس الحب درستك تـملـي
وما كنتي يـوم مِن درسي تملــي
بقِيتي بمعـهدي حتى تـم الـلي
بدك ياه ورحلتي بلا سبـب
*****
******
حرام عليك تتركني عم بعن
دموعي طوفو الهايج عنبعين
علوا شاهدك صدفة عين بعين
تقلك شو محملني عذاب
*****
******
برمتو الكون ضيعتو خرافي
ومصيري صار أكتر من خرافي
لاقولي حل ما يكون الخرافي
وعفوا على خرقي للادااب
*****
******
غلبت راضيك يا مدلل وعاديك
وتهت ما بين أصحابك و أعاديك
بنام بنهنهة وكل ما وعي ديك
بوعى و الدمع مالي الهداب
*****
******
انا سريع وبقولي عني عجول
وبحل المسائل عباسكال وعجول
رافقت اسلام ومسيحية وعجول
وغير الماركسيين ما بهوى صحاااب
*****
******
شفتها تحت شباكي مـاتمـشـي
طار العـقل من راسي ما تـم شي
تـعي نشرب عرق عنـا ما تـم شاي
وألله يصطفـل فينا وقت الحـساب
*****
******
من جروح حبـك يا بنية مين شفي
بعـد اللي داق العسـل صافي من شفة
يا ريتني بحمام بيتـك مـنشفة
ت من قدامك خبي هالتياب
*****
******
بعمرك لا تعاشر ناكر المعروف
ولو كان اباعن جد معروف
تركنا اهلنا وجيناكم يا بني معروف
تنسمع فن وغنى وطرااب
*****
******
شفت مقفاها قلت سمالله عليها و حولا
صرت بمحايلي عن دربها لدرب العتم حولا
ريتني ما شفت هالوش طلعت عيونها حولا
من فزعتي ركضت و صرت أسبق االدياب
*****
******
انا بنص البحر لبنيلك عمارة
شباب التعشقك لقصف عمارها
طول دهري وانا فتش ع مارا
لحد هلء ما لقيت الطلب
*****
******
هالكلمة عطيتا جناحها و سافرت وديان
صارو عينيكي محراب و قبلة صلا لديان
لأجل لتفوتي عالجنة بسرق أنا دفتر الديان
تا يوم القيامة ما تنطري وقفة للحساب
*****
******
طلعت على البلكون وزتت إلي مَحرمتا
لونا طلبت مني عيوني هدية ما حرمتا
ولمن طلبت شوفها جابت معا مُحرمتا
ما رحت عالموعد تحايلت بوجع الركب
*****
******
زيدي عليي بضمتك زيدي و جودي
بالبعد لحظة صرت عم أكره وجودي
بعدني منطّر سالي و هيفا و جودي
بقي انتي تا يكتمل للشرع النصاب
*****
******
حلفتلك ما في غيرك و هاء القسم كسرتا
رحتي ومن وقتها الخبز ما دقت كسرتا
لكتر ما سرحت فيكي وقعت عإيدي كسرتا
و ما شفت منك غير التعب
